نبدا بسم الله ونحط في رسبسيون حبة بيض حجم كبيرة واذا كانت صغيرة نضع 2بيضات ونضيف رشة ملح ونصف كاس سكر ونخلط جيدا حتى يصبح الخليط ابيض ثم نضيف نصف كاس زيت ونخلط مع إضافة رشة قليلة من خميرة الخبز

نخلط جيدا ثم نضيف كاس حليب دافئ ونواصل الخلط ثم نضيف 2كاس طحين وكيس خميرة الحلوى ونخلط جيدا انا لقيت الخليط خفيف ضفتلو 2م ك طحين ونخلط جيدا

بعد ما خلطت جيدا نضيف حبات من المكسرات محمصة ونقطعها ونخلطها جيدا ثم نجيب مول موسكوتشو ندهنو بالزبدة جيدا ونرشو بالفرينة

نفرغ الخليط فالمول ونسويه جيدا ونكون سخنت الفرن مسبقا وندخل المول يطيب من تحت حتى تنضج ونشعل عليها من فوق تتحمر جيدا

نطفي النار عالموسكوتشو ونخرجها ونخليها تبرد قليلا ثم نقلبها في سينة الفرن ونطليها بمعجون المشمش

نجيب كريمة البيستاش شوكولاتة الطلي وكيس حلواني ونشكل خطوط من الكريمة وخطوط. من شوكولاتة الطلي ثم نحط كمية من البيستاش المرحي ومن جهة أخرى كمية من لوز ايفيلي