في إناء نحط الزبدة و البيض و الزيت و السكر الناعم و العسل و الفانيليا و الكوكاو نخلطهم مليح بالباتور و نبدا نطم بالفرينة لي كنت صفتلو خميرة الحلويات حتى نتحصلو على عجينة طرية و متتلاصقش فاليد نطبعها بمول دائري او اي مول و بسمك متوسط بالاستعانة بكيس بلاستيكي وندخله مباشرة في الفرن لي كنت سخنتو مسبقا متاخذش معانا وقت لانو فيها عسل و العسل يحمر بلخف لازم تطيب على نار تحت متوسطة و مالجهة نحضر الحشة تاعي عندي حوالي كأس كوكاو و نبدا نطم فيه بالتوفي كراميل حتى نتحصلو على فوراج كي يطيب الصابلي نحشيه

و نحكم حبة نطليها كامل بالتوفي و نرمدها في كوكاو لي كنت حمصتو و رحيتو. نصف خشن و غربلتو باش كامل هذا الرقيق نحيه و زينتها بشكولاطة لي كنت درتها في مول سيليكون و شهية طيبة