أولا في طنجرة نضع الزيت مع ملعقة سمن نقلي البصل وطماطم مرحين والدجاج ونخليهم يتقلاو مليح ثم نضيف الحمص والتوابل والطماطم المصبرة والثوم مسكرفج انزيد نخليهم يتقلاو مليح ثم نمرق بالماء سخون بعد ما تبدا تغلي اندير لوبيا ماشطةبعد ما كنا نقيناها وغسلنها والجزر مقطع نغلق عليها ونخليها طيب بعد ما نشوف الدجاج طاب انحيه وندير كورجات نغلق عليها ونخليها طيب بعد ما نشوف الخضرة طابت نطفي عليها

في جفنة نضع الكسكس نشمغو بالماء كلي راني نفتل فيه نشمخو مليح نخليه حتى ينشف جيدا باش نديرلو شويا زيت ونفتحو بيدي وندخل زيت جيدا ثم نديرو يفور تفوير الأولى بعد ما يفور كي نشوف لفوار يطلع من فوق نحسب حوالي 15دقيقة ونحيه نديرلو شويا ملح ونشمخو بكمية قليلة ماشي كيما من الاول نفتحو بالملعقة خشبية نخليه يبرد شويا ثم نضيفلو شويا زيت ونعاود نديرو يفور اللمرة ثانية نخليه يفور بعد ما يفور نحسب 10دقائق ونحيه نحطو في جفنة وندهنو بالمارغرين نخليه يبرد ونعاود نرجعو اللمرة الاخيرة نخليه يفور 10دقائق ونحيه

ندهنو بزيت الزيتون ويكون جاهز لتقديم