أولا اللبن يكون بلدي وبخيره يعني نجيبه من مكان مضمون هيفرق جدا في النتيجه هغليه وبعد كده هبرده في حمام ماء عاديه من الحنفيه مع التقليب المستمر فيه بمضرب يدوي ولو الماء إللي بنبرد فيها سخنت من حرارة اللبانه هنغيرها ونحط غيرها ونبرد لحد اللبن ما يكون دافيء زي دمعة العين ساعتها هنخرجه من حمام الماء

بعد كده هجيب علبة الذبادي الخميره وتكون خارجه من الثلاجه ومتماسكه مش صيصه وهفضيها في طبق وأحط عليها شويه من اللبن إللي دفيناه وقلبي بمضرب يدوي كويس جدا لحد ما تتفكك وتكون كريمي

هنزل بيه علي باقي كمية اللبن واقلب كويس بمضرب يدوي كويس جدا جدا علشان نضمن أنه اختلط كويس وبنصبه في الكبايات وندخله في سخن ومطفي اربع ساعات أو ستة ساعات بوصي عليه هتلاقيه بقي متماسك غلفيه ودخليه الثلاجه وبالهنا والشفا