إفتح في تطبيق كوكبادالخطوات
- 1
اغسلي البوري كويس اوي خاصة عند الخياشيم
- 2
رصي السمك على صينيه عليها فوطه او ورق بحيث راسه لتحت وفاتحه راسه عشان الميه تنزل منه وتسيبيه ٦ ساعات ينشف
- 3
نشفي دماغي من جوه بمناديل كويس وبعدين هاتي كيس كبير وحطي فيه اول سمكه واحشي دماغها من خليط الملح والشطه والكركم وزقي الملح لناحية البطن كويس بحث دماغه تبقا مليانه
- 4
تجيبي بقية السمك وتنشفي دماغه وتحشيه بنفس الطريقه ويكون شغلك كله جوه الكيس بحيث الملح اللي يقع يقع على بقية السمك من بره وترصي السمك واحد راصه يمين وواحد راسه شمال وهكذا لحد ماتخلصي
- 5
تقفلي الكيس كويس اوي بعد ماتطلعي منه كل الهوا وتحطيه جوه كيس تاني وتقفليه بعد ماتطلعي منه الهوا برده وهكذا عالاقل ٥ او ست اكياس واخر واحد يكون اسود كده
- 6
تلفي الاكياس في استرتش رول كويس اوي او تقفليه ببلاستر عريض كويس اوي وتحطي الكيس على طبق او في علبه في مكان دافي وتسيبيه من اسبوع ل ١٠ ايام حسب وزنه
- 7
يعني لو كيلو سمكتين بياخد ١٠ ايام ممكن لحد اسبوعين لو الجو برد
- 8
لو فضل اكتر من كده بيبقا حادق اهم حاجه من تالت يوم تبدأي تقلبيه كل يوم على ناحيه وهتلاقيه نزل ميه ولا يهمك
- 9
الطريقه مصوره لسهولة الحفظ
الكوكسناب
وصفات مشابهة
وصفات ننصحك بمشاهدتها
التعليقات