نخلط جميع المقادير مع بعضها ونعجنها بالزيت لحد ماتصير معانا عجينة متماسكة

من تصير جاهزة ناخذ نصف من العجين ونخليه ف وعاء ونرشه ببودرة الكاكاو ونبدا نعجن فيه لحد مايصير لونها بني وتكون جاهزة للتشكيل

بعدها ناخذ جزء من العجين البيضا ونسويها بنفس طريقة عجينة الكاكاو بس من نضغط عليها نخليها فوق عجينة الكاكاو وندلكها فوقها لحد مايصيروا متساوين وبعدها نطويها على شكل رول وبعدها نقصصها شوي شوي ويصير شكلها دائري

نصففها ف صينية الفرن وندخلها الفرن ونشغلها من تحت وبعدها من فوق ومن تجهز نطلعها ونصففها ف الطبق وعليكم بالعافية

الشكل الحلزوني ناخذ جزء بسيط من عجينة الكاكاو ونكورها وبعدها نضغط عليها ف راحة اليد لحد ماتكون شكلها دائري وبعدها نبدا ندلكها ع الخفيف

الشكل المربعي ناخذ جزء من عجين الكاكاو ونكورها وبعدها نضغط عليها ف راحة اليد وبعدها ندلكها ع الخفيف عشان ماتتفتت ومن ننتهي ناخذ جزء من العجينه البيضا ونسويها بنفس طريقة الكاكاو وبعدها نخليها فوقها ونكرر الطريقة لحد ماتكون اربع طبقات

وبعدها نقطعها من الجوانب عشان تكون متساوية ويكون شكلها مربعي وبعدها نقصصها من النص بالطول وبعدها نقصصها على شكل مربعات ونصففها ف صينية الفرن وندخلها الفرن ونشغلها من تحت ومن ثم من فوق وبعدها عليكم بالعافية

انا مادهنت صينية الفرن بالزيت عشان عجينة البسكويت فيها زيت وهذا يكون كافي