إفتح في تطبيق كوكبادالخطوات
- 1
بنحضر الطحين وبنضيف عليه بهار الكعك وحليب البودرة الباكيت كامل والفانيلا والباكنج والسمسم والقزحه والباكنج والخميرة وبنخلطهن مع بعض كويس
- 2
بهالوقت بنكون حطينا السمنه على النار وخليناها لتحمى كويس (حطي قطعة خبز بس تتحمر بتكون تمام السمنه) والزبده بذوبها تذويب بس ما نخليها تحمى او ادخن يدوب نذوبها
- 3
بنعمل حفرة بوسط الطحين وبنصب الزبده والزيت وبعدين السمنه الحاميه وبنخلط بالبدايه بمعلقه خشب تكون قويه وكبيرة عشان نقدر نتحكم فيها...بعدين بنكمل بس باليد لحتى يختلط الطحين بالسمنه منيح
- 4
بنريح الخليط ساعه او بنبلش نعجن فورا... بنحضر ماء اليانسون وبنعمل حفرة بوسط الطحين ونصب على فترات ونخلط الماء بالطحين بشكل دائري بواسطه اليد.وانتي بتقدري كمية الماء اثناء العجن بس نفس الشي مارح نعجنو عجن بطريقة اللم بنلم بالعجين على بعض منيح لتتكون عنا عجينه طريه وسهلة التشكيل (وعشان تطلع معانا عجينه طريه نظل نعجن فيها بطريقة اللم وكانو نبرم عجين بس هون عجينه كبيرة مو قطعه صغيرة)
- 5
وبنترك العجين يرتاح ساعه ونبلش نحضر التمر او العجوة المطحونه بنخلط معو بهار كعك وباكيتين فانيلا وفنجان ماء ورد وشوية زيت زيتون وسمسم وقزحه ومعلقه قرفه والي ما بحب القرفه بلاها...وبنعجنها منيح لتتداخل المكونات مع بعض
- 6
نبلش بعد ما ارتاح العجين وخمر بتشكيلها بالشكل التقليدي الي بنعرفو
- 7
واما تحمير الكعك فرن حامي درجة 200 ليتحمر من تحت وبنرجع نحمرو من فوق وبفضل الفرن العادي مو البوتجاز افضل واسرع
- 8
واهم شي بنخلي حرام تحت الكعك وحرام فوقو واحنا نخبز ويكون حرام قطني عشان يخرج البخار من خلاله بدون ما ينشف الكعك وبس نكمل بنخلي مغطى ليبرد على الاخر ووبنضع فوق الحرام كيس سفرة بس ما نسكرو منيح بس حطي فوق الحرام عشان تزيد الطراوة وبتحفظي اليوم الثاني في علب مسكرة او صندوق مسكر
وصفات مشابهة
وصفات ننصحك بمشاهدتها
التعليقات