بنقطع صدور دجاج "ستيك" ما تكون رقيقة كتير ولا خميلة وسط

بعد التقطيع بنحط عليهم، 3 معالق كبيرة لبن، معلقتين كبار خل ابيض، معلقتين كبار زيت زيتون، ملعقة كبيرة عصير ليمون، ومعلقة صغيرة من فلفل اسود، كاري، بابريكا حارة، زعتر يابس ورشة صغيرة قرفة مطحونه ورشه صغيرة كركم، وبرش ليمونه ناعم، وبرش 5 دروس ثوم ناعم، وبرش بصلة ناعم، وملح حسب الكمية و بهارات الشاورما

وبنحركهم منيح وفينا نشتغل فيهم عطول، بس الافضل نعمل هالخلطه قبل بيوم بكون اطيب

بنجيب من الاعواد الخشبية عدد ثنين وبنقعهم بماء سخن 10 دقائق حتى ما يحترقو معي بالفرن، وبعدين بغسلهم وبنشفهم منيح

وببلش اخذ من صدور الدجاج المنقوعه وبحطها بالاعواد من الجهتين وبضل اعمل نفس الخطوة حتى تنتهي الكمية

وبعدين براس كل عود بحط بصلة مقشرة

بحط الصينية بالفرن يللي حميتو قبل على درجة حرارة 180 وبتركو ربع ساعه تقريباً وبعدين بوطي لدرجة حرارة 160 وبخليه لحتى يستوي منيح وبكشف عليه بعد تقريباً 3 ارباع الساعه وازا مستوي بحمرو من الجهتين

بكون مجهزة خبز الصاج والمخلل والكاتشب والمايونيزوبعمل الساندويشات وممكن انو نحط معهم بطاطا مقلية. وعلى الشواية بحط الساندويشات لحتى ياخدو لون