كرات اللحمه بالجبنه مع مكرونة سباغيتي
إفتح في تطبيق كوكبادالخطوات
- 1
بنخلط اللحمه المفرومه مع البقدونس بالبهار والملح ونحشيها بالجبنه ونكورها ونقليها بالزيت وبنخليها على جنب تتصفى من الزيت
- 2
المكرونه المسلوقه بحط عليها زيت زيتون ورشة فلفل اسمر وملح وبخلطها وبتركها لوقت التجهيز
- 3
بطنجره بنزل البصل والثوم مع الزيت وبنقلبهن ليذبل وبنحط البندورة المعصورة ورب البندورة والزعتر الجاف والبابريكا والبهارات والملح وبنقلب وبنتركها تغلي شوي وبنرجع نزل عليها كرات اللحمه وبنقلب منيح وبنخليها ع نار وسط مدة ثلث ساعه او لتمتزج المكونات ويثقل قوام الصلصه
- 4
والصلصه البيضا بنحط ع النار كاس الحليب المخلوط مع نص معلقة نشا او طحين ورشة الملح ورشة ثوم بودرة والزبده وبنحرك وبس يسخن بنزل الجبنه وبنحركهن منيح وبس ذوب الجبنه ويتجانس بنشيلهن عن النار واذا حستي رخو ضيفي كمان جبنه ليثقل القوام
- 5
التجهيز بصحن بنحط المكرونه وفوقها كرات اللحمه مع الصلصه الحمرا وفوقهن القليل من الصلصه البيضا ورشة بصل اخضر او بقدونس وصحتين😋
وصفات مشابهة
وصفات ننصحك بمشاهدتها
التعليقات