أول شي نغسل البرغل ونضع عليه حليب يغمره تقريبا ونتركه حتى يتشتش

بس يمتص البرغل كل الحليب نضع عليه لبن (ممكن نضيف لبنة بدال اللبن اذا موجودة عندك بالبيت) ونتركه بدون تلاجة ونضعه في علبة لها غطاء ونحرك البرغل مع اللبن من وقت لأخر

كل ماشرب البرغل اللبن ضيفي ملعقتين تلاتة لبن لحتى يضل طري وبدو ٣ أيام وهو عم يتحرك من وقت للتاني بيصير فيه طعمة حموضة خفيفة كتير بعد ٣ أو ٤ أيام بيصير جاهز للأكل نضعه في التلاجة

وقت التقديم بتقطعي بصلة صغيرة تقطيع ناعم وبقدونس ورشة ملح وتحرك وتسكب بصحن ونضع على الوجه جوز مقطع ورشة زيت وبالهنا إن شالله

ظريفة كتير عالفطور وحتى عالعشا كمان ومغذية جداً 😊🤗🤗