اول شي بنضف وبسلق الدجاج مع بهاراتو. بس يستوي بصفي المرقه وبحط الدجاج على جنب وبغطيه مشان مايزنخ

بقلي البطاطا والزهره. ماحطيت باذنجان لانو مابحبو

بنقع الرز بعدين بصفيه وبحطلو بهاراتو

بجيب طنجره وبحط فيها سمنه مع ماجي وبحميها بعدين بحط الدجاج المسلوق وبقليه شوي مع السمنه والماجي بطلع كتير طيب نكهتو

بس يحمر شوي بحط شويه رز قبل الخضار مشان لما اقلبها تطلع متل قالب الكيك وبعدين الخضار بعدين بكمل باقي الرز وبدير المرقه تبعت الدجاج وبس تغلي بخفف النار وبغطيها لتستوي

بكون مقليه صنوبر او لوز مع سمنه وبس اقلب طنجره المقلوبه بالصدر بطشهم فوقها

انا بحب معها خيار مع لبن نعاج بقسم الخيار مربعات وبحط فوقهم اللبنات النعاج وملح ونعنع ناشف وتوم مهروس ونتفه مي لانو جامد اللبن وبحركهم وبحطو بتلاجه لانو اطيب بارد

وصحه وهنا