لتحضير العجين: بنحط بجاط كاسة اللبن مع كاسة المي والسكر والخميرة وكاستين من الطحين بنخلطهم منيح وبنغطي الجاط وبنتركو ليتضاعف حجمهم

بس يتضاعف حجمهم بنرجع بنضيف كمية الطحين الباقية والزيت ورشة الملح وبنعجنها منيح لتصير ناعمة

بنقدر نشتغل فيها فورا بس أنا بحب ريحها شي ربع ساعة قبل ما اشتغل فيها

بحضر الحشوة بخلط كل مكونات الحشوة مع بعض

بفرد العجينة وبقطعها دوائر بحشيها وبحطها بصينية مدهونة بزيت أو عليها ورق زبدة

بدهن الوجه بخليط النسكافيه مع صفار البيض وبرش حبة البركة على الوجه

بدخلها على فرن حامي بشغلو من فوق ومن تحت مع بعض وبس لتاخد لون حلو بطالعها

وألف صحة وهنا ❤