إفتح في تطبيق كوكبادالخطوات
- 1
اول خطوه, منخفق الزبده مع السكر حتى تصير هشه.
- 2
وبعدين منزل عليهم بيضه ومنخفق بمضرب البيض, حتى تختفي البيضه. ومنزل البيضه التانيه ومنخفق حتى تختفي. ومنكمل البيض ونحنا عم نخفق حتى يتجانس الخليط.
- 3
ومنزل عليهم الفانيلا وبرش البرتقال,
- 4
ومنرجع منزل بقيه الطحين والحليب ومنخفق منيح.
- 5
مننخل الطحين مع البيكنج بودر ورشه الملح. ومنزل نص كميه الطحين على خليط الزبده مع نص كميه الحليب ومنخفق منيح.
- 6
مندهن صينيه فرن كبيره بزبده ومنرش عليها طحين ومندق الصينيه حتى يتوزع الطحين. وبعدين منزل الزياده من الطحين.
- 7
منزل خليط الكيك بالصينيه ومندق الصينيه عدة دقات. ومندخلها فرن محمى مسبقا على 180.
- 8
انا حطيت خليط الكيك بصينيه كبيره,لانو بدي القالب كبير فيكي توزعي الخليط على صينيتين صغار.
- 9
ومنضيف حبات الكيري وعلبه كريمه الخفق مع الخفق وبعدين منزل عليهم الشوكولا, منخفق الكريمه منيح.
- 10
بعد نصف الساعه منختبر الكيك بعود اسنان, اذا طلع ناشف منطلع الكيك من الفرن. ومنستنى يبرد شوي وبعدين منقلبو على شبك.
- 11
مندوب الشوكولا على حمام مائي وبمضرب البيض منخفق الزبده مع السكر البودره حتى تصير هشه وكريمي.
- 12
بدهنها بالكريمه وبرجع الطبقه التانيه وبرجع بدهنها بالكريمه بسكين عريض من كل جوانبها.
- 13
بهي المرحله الكريمه بضلها شوي مريقه يعني مو ماسكه حالها متل مامنعرف بتشبه الكلاساج.
- 14
بزين جوانبها باللوز المجروش وبتركها بالبراد لتاني يوم.
- 15
بحط الكريمه بالبراد لحتى تبرد وتمسك حالها, اقدر ازين فيها.
- 16
منفتح الكيكه بالعرض وبسقيها بشويه حليب او عصير برتقال وبحشيها موز او فريز, يلي بتحبي.
- 17
تاني يوم بحط الكريمه بكيس حلواني وبزين فيها الكيكه متل مابتحبي, انا زينتها بالمكسرات وفرمسيل.
- 18
- 19
ملاحظه لازم تكون الزبده لينه والبيض طلعيه من البراد حتى يصير بحراره المطبخ
الكوكسناب
من الأكثر بحثًا في
وصفات مشابهة
وصفات ننصحك بمشاهدتها
التعليقات