اخلط كوب دقيق + الخميرة + السكر+ الحليب + كوب المية ، واغطيهم واتركهم ربع ساعة.

اضيف باقي الدقيق والشانتيه و رشة الملح والبيضة واعجن كويس قوي قوي ، واذا وجدت العجينة قاسية ازود شوية ميه بسيط مش اكتر من ربع كوب

استمر بالعجن كويس قوي لمدة عشر دقائق وهو ده سر نجاح اي عجين ، و هتكون العجينة متماسكة لكن لينة وبتلزق في اليد شوية، بلاش تزودي دقيق ، هي بعد التخمير بتريح وبتتماسك.

اضيفي الزبدة في آخر خمس دقائق واعجني كويس ، ثم غطيه ليتخمر.

افردي العجينة مستطيل رقيق ، ادهنيه بالزبدة ورشيه ب½ سكر مع معلقتين قرفة كبار مع (معلقتين عسل اسود ده اختياري)

لفي المستطيل رول من ناحية الضلع الكبير ، ثم قطعيه شرائح بعرض ٦ سنتم

ملحوظة : 🌹التوبينج (الصوص)🌹 اولا : الكريم تشيز صوص
ربع كوب من الجبن الكريمي. ملعقة كبيرة من الزبدة الطريّة. كوب وربع من السكر المطحون. أربع ملاعق كبيرة من الحليب السائل. نصف ملعقة صغيرة من الفانيلا.

ثانيا : صوص الكريم تشيز بطريقة أخرى ، ٦ مكعبات كيري تضرب جيدا مع نصف كوب حليب مكثف محلى

ثالثا : صوص الكراميل
كوب سكر سبيه يسيح على نار هادئة جدا ، وبعدين ابعديه عن النار وانزلي عليه بكريمة ، او حليب ومعلقة قشطة ، وحطي ملعقة زبدة ، ورجعيهم على نار هادئة مع التقليب كويس ، هتلاقيه كلكع في الاول متقلقيش ، مع التقليب والحرارة هيفك ويبقى سلس ، زودي السائل براحتك حسب القوام اللي انت عوزاه وسبيه يغلى غلوة واحدة واشليه من على النار