إفتح في تطبيق كوكبادالخطوات
- 1
الطبخة سهلة بس ركزي معي بليرتين 😜
- 2
نقطع البصل لا ناعم ولا خشن، نص نص يعني و نحط زيت مازولا و زيت زيتون مع 50 غرام زبدة، و نحط البصل و نحمسهم
- 3
نقطع البابريكا و نزلها فوق البصل مو تحتو 😋
- 4
بس البابريكا ترتخي شوي يعني تصير لينة نحط البندورة المقطعة والبهارات الناعمة ونقلبهم منيح على نار وسط
- 5
نجيب رب البندورة و نحلهم مع شوية مي تصير متل صوص او متل الديك 😛 نضيفهم فوق الخضراوات
- 6
الرز منقوع لمدة 10 دقائق بعدين نسقط الرز فوق كل شي مذكور فوق
- 7
كل كاسة رز بدها كاسة و نص مي
- 8
و نتركهم لتغلي المي نخفض النار تحتهم لين يستوي الرز، طبعا بس يبتدي الرز يستوي نقلبهم شوي بشوكة و نتركه.
- 9
الدجاج نحط بطيجونة نص ملعقة من (كمون، ملح، كاري ملعقة صغيرة ماسترد، زيت زيتون شي ربع كاسة شاي، ملعقة كات شاب) نخلطهم منيح و بعدين نغطس الفخاد فيهم منيح و نعمل شق بالطول او بالعرض بكل فخد و نحشيه قطعة زبدة و نلف الفخد بفويل المنيوم.
- 10
نكون مسخنين الشواية قبل عشر دقائق على الاقل، ندخل الفخاد على الشواية على درجة حرارة 210 و لمدة 50 دقيقة.
- 11
تقدمي معها سلطة فجل عبارة عن فجل مبروش و ورق الفجل نفسو نفرمو ونخلطو مع الفجل المبروش مع ليمون و ملح وزيت زيتون، كتيييييير لذيذ
- 12
صحتين للحلوين 😘
وصفات مشابهة
وصفات ننصحك بمشاهدتها
التعليقات