بنعجن الكفته بالملح والبهارات والفلفل وشوية زيت نعجنها جيدا ثم نقسمها لدوائر بحجم قبضة اليد (في هذا الوقت بنحمي الفرن)

ندهن الصينيه بقليل من الزيت وبنشكل الكفته بإيدينا اصابع وبنرتبها بالصينيه وبندخلها الغرن

بالخلاط نخلط اللبن والشنينه مشان ما يفرط معنا واحنا بنطبخ فيه بس نخلص بنجيب طنجره صغيره ونضع الخليط فيه على الغاز بنضل نحرك قبل الغليان بشوي بنضيف الماجي والبهارات والكركم ونستمر بالتحريك حتى الغليان

على البراشه بقشر البطاطا وببشرها بحيث يجي الكشط بالطول ورفيع جدا بس خلص بغسل البطاطا من النشا وبقليها

بنطلع الكفته من الفرن وبتكون تقريبا مستويه ومحمره جيدا بضيف عليها خليط اللبن المغلي وبوزع البطاطا المقليه بينها بحطها على الغاز شي 10 دقايق وبتكون جاهزه للتقديم وصحتين 💙