اقطع البصل مكعبات صغيره واحطه في قدر الضغط مع الزيت. واحمسه على نار متوسطه.

احط مع البصل وهو يتحمس القرفه والهيل والقرنفل وورق الغار. واخليه يتحمس معه شوي.

بعد ما ألاحظ ان البصل قرب يتحمر, يعني ذبل شوي, احط الدجاج وهو مقطع وما فيه جلد, انتبهوا. واحط معه واحد فلفل رومي مقطع كبير.

في الخلاط, احط الطماطم والفلفل الحار واحد فلفل رومي والثوم, اخلطهم.

احط على الدجاج البهارات والكمون و الكركم وبعدها اعلي النار شوي وعلى طول احط الخلطه اللي خلطتها بالخلاط.

اتركهم يطبخون مع بعض, يمكن خمس دقايق. بعدها احط الصلصه الطماطم والملح ومكعب المرقه ماجي.

بعدها احط الرز, طبعاً أكون ناقعته من قبل بنص ساعه ومغسلته.

بعدين اضيف عليه المويا لحد مايغطي الرز, يعني فيه مويا بس فوق الرز بشويه, اقدر اشوف الرز.

احط غطاء قدر الضغط واضغطه لمده عشره دقايق على نار عاليه. وبعدها اوطي النار لمده عشره دقايق.

وبعدين افك صغيره الضغط لين يخرج الهواء كله. بعدين ابدأ افتحه وبس. وتبدون تغرفونه, وبألف هنا وعافيه.

ملاحظة: من الممكن تسوونه في قدر عادي, بس بيأخذ وقت اكثر.

وبألف هنا وعافيه وخواتم مباركة علينا وعليكم. 😘🌙🌌