احط قدر فيه مويا كثير وزيت وملح واتركه على النار يغلي.

بعدين اكسر المكرونه صغير واحطها على المويا, بعد مايغلي, مع التقليب.

احط الفلفل والثوم, بعد ما افرمه, او اقطعه صغير واحمسهم.

احط قدر او تاوه على النار واحط الزيت, ثم البصل واتركهم لين يصير البصل ذهبي.

بعدين اضيف الطماطم, بعد ما فرمتها, يفضل تنفرم, بس قبل ما اضيف الطماطم’ اعلي النار شوي وبعدين احطها.

بعدها احط البهارات وشوي كمون وفلفل اسود.

اتركها تتطبخ شوي, بعدين احط عليها صدور الدجاج, بعد مافرمته واقلب. واحط مرقه الماجي والملح واذوقها اذا مزبوطه, او ازود ملح. واذا صايمين, احط ٤ لفات ملح او ٣ لفات بعلبه الملح

احط قدر وفيه الزبده او الزيت واحك الدقيق واقلب. بعدين اذا تكون لي زي العجينه, مو مره قاسيه تكون سايله.

احط اللبن الروب او الحليب لين تثقل, يعني اضيفه بالتدريج لين اوصل لين القوام المطلوب.

ادخلها الفرن من تحت لمده عشره إلى ١٥ دقيقه وبعدين من فوق لين تتحمر وبس.

بعد ماينضج كل شي, نبدا بهذي الخطوات.

ادهن الصينيه وبعدين احط على المكرونه وشوي صوص بشاميل واقلبها. وبعدين احط اول طبقه مكرونه وبعدها الحمسه وبعدها المكرونه الباقيه وبعدها صوص البشاميل.

وبالعافيه على قلوبكم ان شاء الله تكون الوصفه عجبتكم وسهله ومفهومه. وكل عام وأنتم بخير وعساكم من عواده. 🌙🌌