هاتي الكنافه الشعر اما تقطعيها صغير بايدك او ريحي دماغك وحطيها في الكبه هتتقطع صغير مش هتعجن متخفيش.

في حله علي النار السمنه والسكر واقلبهم لحد ما حس ان السكر بيدوب علي نار هاديه اكيد مش عاوزه احرق السمنه ولا عاوزه السكر كراميل.

حطي بقي الكنافه وقلبيها لحد ما تتاكدي ان السمنه خلت في كل الكنافه مش حته بيضا وحته فيها سمنه كتير ومتعليش النار خليها واطيه وافضلي قلبي لحد ما توصل للون اللي انتي عاوزه.

طلعيها حطيها في بوله ازاز سبيها تربد تكونى ضربه الكريمه تحطيها على الكنافه وبعدين المانجه

وممكن تعمليها طبقات طبقه كنافه وطبقه كريمه وطبقه مانجه وهكذا وبالهنا.