إفتح في تطبيق كوكبادالخطوات
- 1
منصفي الحليب ومنغلي على نار هادية حتى مايلزق او ينشعط يحترق يعني
- 2
بس غلي الحليب منيح منطفي عليه ومنخلي حتى يفتر
- 3
الى ماعندا ميزان حرارة تبع السوائل بتقدر بإيدها تحس الحرارة اغسلي ايدك منيح بالمي والصابون وحطي اصبعك داخل الحليب لمدة عشر ثواني اذا تحملتي الحرارة بكون تمام اذا ماقدرتي تتحملي بكون بعدو الحليب سخن
- 4
منجهز الروبي مناخد معلقتين كبار لبن لكل كيلو حليب
- 5
مناخد كيلو حليب ومنعير عليه اللبن منضيف معلقتين لكل كيلو ومنحرك بس بدون ماتطلع رغوة عااوجه حتى تخلص كمية لبن بعدين مندير الخليط فوق باقي الحليب ومنحرك حتى يختلط االبن مع الحليب ومنسكر عالحليب بالغطا ومنلف الطنجرة بالبطانية لمدة 7 ساعات
- 6
بعدها منكشف عن اللبن وبيكون جاهز ممكن تاخدي من اللبن للطبخ او الاكل
- 7
لتحضير اللبنة مناخد شقفة بيضا كبيري ومغسولي ومعقمة ومنحط فيها اللبن ومنربط الشقفة ومنعلقا بمكان نظيف حتى تصفى منيح من الماء بعد حوالي 5 ساعات بتكون اللبنة جاهزة بتملحوها حسب رغبتكم
- 8
خطوات كتيري بس عنجد لبنة ولا اطيب جربوها رح تدعولي
- 9
الماء تبعيت اللبن لاتكبوها لان كتير منيحة والها فوائد وممكن تستعملوها للمعجنات بتطلع طرية بشكل وطعمها بيجنن
الكوكسناب
وصفات مشابهة
وصفات ننصحك بمشاهدتها
التعليقات
فيني اعمل تجربة ترويب لبن بس لكمية كيلو