تورته
جربوها احلى واطعم واسهل وارخص من الجاهزه
إفتح في تطبيق كوكبادالخطوات
- 1
نعمل الكيكه الاول
- 2
اول حاجه نسخن الفرن على درجه حراره 170 قبل منبدأ في عمل اي حاجة
- 3
ندهن صينيتين مدورين مقاس 26 زبده او زيت ونرش دقيق
- 4
في طبق هنفصل صفار البيض عن البياض وهنحط كل حاجة منهم لوحدها في بولات جافه ونضيفه
- 5
نجيب المضرب الكهربائي والبوله بتاعت بياض البيض هنضيف على البياض نصف ملعقه ملح صغيرة ونضرب لحد القوام متقل خالص يبقي زي المارنج وبعد كده نسبيه على جنب
- 6
في البوله التانيه نضرب الصفار اللي هنضيفله الفانيلا وملعقه الخل لحد ميبقي كريمي ننزل عليه بالسكر ونضرب كويس لحد ميتقل
- 7
نضيف الصفار اللي ضربناه على بوله بياض بيض وننزل عليهم بالزيت بس نقلب بالراحه من تحت لفوق عشان الهوا ميخرجش
- 8
نجيب الدقيق ونضيف عليه البيكنج باودر وننخله كويس وننزل بيه شويه شويه على الخليط ونقلب برضو بالراحه من تحت لفوق عشان الهوا ميخرجش
- 9
هنفضي الخليط السابق بالتساوي على الصينيتين وندخلهم الفرن لمده نصف ساعة بس قبل منخرجهم نختبرهم بخله سنان استوت ولا لسه
- 10
عمل الحشو: في بوله كبيره نجيب الكريم شانتيه وعليه اللبن والسكر ونضرب بالمضرب الكهربائي لحد ما يتقل
- 11
نبرد الكيكه بعد متبرد نقسمها الى طبقتين كل كيكه هنقسمها اللي طبقتين
- 12
ونبتدي نحشي ونزوق على اول طبقه هنسقي الكيكه بالسائل الموجود في الكمبوت ونفرد طبقه كريمه وعليها فواكه مشكله مقطعه صغير او لو عندك مانجه ناخد القلب بتاعها هتبقي تحفه برضو
- 13
هنعمل كدا مع الطبقه الثانية والثالثه
- 14
اخر طبق من فوق الوش يعني هنسقيه برضو ونفرد طبقه كريمه على الوش والجناب ونرش على الجناب شوكولاته بيضا مبشوره او جوز هند
- 15
ونبتدي نزوق براحتنا انا عملت ورد بالكريمه وبعدين حطيت كور شوكولاته كنت عملتها وغلفتها بالجوز هند وحطيت على الوش كمبوت اناناس وتفاح
- 16
هنزل دلوقتي طريقه عمل الكمبوت لاي فاكهه زي التفاح المشمش الخوخ الاناناس
- 17
اخر حاجه بعد منزين بالفاكهه نجيب كيس جيلي اي نوع ونفضيه على نصف كوب ماء وندوبه ونلمع بيه الفاكهة عشان لونها وطعمها ما يتغيرش ونشيلها في التلاجه
- 18
وبالهنا والشفا 😘 😘 😘 😘
كلمات ذات صلة
وصفات مشابهة
وصفات ننصحك بمشاهدتها
التعليقات