في بايركس او طبق عميق نغمس البسكوت بالحليب على الخفيف ونصفه وانخلي ٢ حبة بسكوت فوق بعض تطلع احلى

نحضر مقادير الصوص بالخلاط او بالمضرب اليدوي ماتفرق وانحط الكريمه مع القيمر مع الدريم ويب والكريم كراميل والحليب المكثف ونص حبة فليك مفتت ونضيف الماء بالتدريج حتى يوصل القوام المطلوب الى ان تختلط جميع المقادير

نحط طبقات اول شي بسكوت مغمس بالحليب بعدها صلصة ونكرر الطبقات حتى اخر شي تصير طبقة صلصة

تزين بالفليك المفتت وقطعه فليك مكسوره بالنص او نقدر انزينها بشعيرية باكستانيه محموسة بالزبدة

ملاحظة خطوة اضافة الماء اختيارية بس بالنسبه لي كانت اضافة جميلة وخلت قوام الصوص جداً لذيذ

الكمية راح اتسوي صحن كبير فاللي عددهم اشوي ممكن تقلل المقادير باستخدام حبة وحده من كل نوع بالصلصه

بالعافية مقدما💕