بنقطع بصلة وبنحطها مع الدجاج بطنجرة وبنضيف عليها ملعقة صغيرة من كل نوع بهار وما ننسى الملح والماجي وبنحركهم سوى لتتدبل البصلة، بعدها بنضيف ماء وبنستى الدجاجة لتستوي طبعاً بنضيف معهم هيل وورق غار وقرنقل وجميع البهارات الخشنة والبهار المشكل

بس يستوي الدجاج بنتركه على جنب وبنجيب طنجرة تانية بنضيف عليها زيت ذرة والبهارات ملعقة صغيرة من كل نوع (قرفة ، قرنفل ، هيل ، لومي ، فلفل ، كمون ، كزبرة) وبنقلبهم حتى تطلع ريحتهم بعدين بنضيف البندورة والفلفل الأخضر وبنحركهم وبنسكر الطنجرة عليهم على نار هادية لنحس الفلفل الأخضر تذبل واستوى وبعدين بنضيف الأرز وبنحركه منيح مع المكونات جميعها

بنصفي المرق الناتج من سلق الدجاجة وبنضيفه للرز بنحركهم شوي وبس يغلو بنخفف الغاز ليستوي الرز وبس يستوي بنطفي عليه

على جنب بنحمر الدجاج ممكن تحميرة بوضعه في صينية بالفرن بعد ما نضيفله شوية زيت زيتون وبهار مشكل أو ممكن نعمل خلطة وهي مكونة من لبن + كاتشب + صوص بندورة + خل وبندهن فيهم قطع الدجاج وبنحطه بالفرن ليتحمر

ألف صحة وهنا على قلوبكم يا رب بتمنى تعجبكم ❤️