طاجن الباميه باللحمه على أصوله
اروع طاجن باميه باللحمه وصفة مامتي اللي مشهوره بيها في كل العيله وكل اللي اكلها عندنا بيبقي هيتجنن من جمالها
طاجن الباميه باللحمه على أصوله
اروع طاجن باميه باللحمه وصفة مامتي اللي مشهوره بيها في كل العيله وكل اللي اكلها عندنا بيبقي هيتجنن من جمالها
إفتح في تطبيق كوكبادالخطوات
- 1
في ملعقة سمنه واحده, نشوح اللحمة على النار كويس لحد مايتغير لونها
- 2
نضيف ورقه لورا وفص حبهان ونص ملعقة صغيرة فلفل اسمر ورشة قرفة ونقلبهم مع اللحمة على النار وتطلع ريحتهم
- 3
نضيف ماء ساخن مغلي يغطي اللحمة بس ميكونش كتير ونتركها على النار, ونشوفها كل شويه عشان الماء متنشفش لحد ماتقرب تستوي وليس سواء كامل. نزيد ماء عند الحاجه. وبعد ماتقرب تستوي, نسيبها تشرب مايتها خالص.
- 4
بعد مايشرب اللحم مايته تماما, هنشيل بأه ورق اللورا والحبهان خدنا طعمهم كله خلاص هنسيب بس اللحمة في الحله نضيف عليها ملعقة زيت عادي ثم البصله المتوسطه المفرومه ونشوحها مع اللحمة على النار. وبعدين فص واحد ثوم مفروم لحد ماتطلع ريحته.
- 5
نضيف الباميه ونخفف النار شمعه. ونغطي الحله. ونسيبها تستوي على بخار اللحمة والبصله على اهدى نار بدون اضافه ماء, او اي شئ (لو لقتيها بتلزق حطي ملعقة ماء واحده)
- 6
لما تستوي الباميه او تقارب على الاستواء (هنعرفها لما تذبل خالص), نضيف عصير 2 او 3 طماطم ونظبط الملح ونحط نص ملعقة صغيرة فلفل اسود ونص ملعقة صغيرة بهارات لحمة ونص ملعقة صغيرة كمون.
- 7
بعد ماتغلى غلوه كدا, هننقل اللحمة والباميه وكله في الطاجن. ونضيف سر جمال الطاجن : فص واحد ثوم مفروم ومعلقه الكزبره الناشفه. ونقلبهم. وفلفله على الوجه.
- 8
نغطي الطاجن بورق فويل وندخلها الفرن على درجه حراره متوسطه ونسيبها لحد ما تستوي. وممكن نشيل الفويل في الاخر ونفتح الشوايه دقيقتين.
- 9
احلى طاجن باميه جاهز الان. وكل اللي داقه بيحكي بيه.
كلمات ذات صلة
وصفات مشابهة
وصفات ننصحك بمشاهدتها
التعليقات (8)