منقشر اليقطين ومنقطعو لمكعبات صغيرة ومنقلي بالزيت متل البطاطا

بالطنجرة منحط اللحمة منقلبها منيح مع رشة فلفل ومنضيف عليها اليقطين ومنزيد عليهن لتر ماء والثوم المهروس والنعنع اليابس ومنغطيهن

بعد ماتغلي المي بشي ربع ساعة منكون محضرين الخلطة يلي هيه عبارة عن اللبن والطحينة ودبس الرمان ومنحركن مع بعض ومنكسرن بشوي من الماء الي ع اليقطين وبعدين منضيف الخلطة ع اليقطين ومنخليها تغلي غلوتين ومنزبطلا ملحا ومنطفي عليها

منعمل بجنبو برغل بشعيرية ومنقدمن مع فليفلة خضرا أو فجل وصحتين وعافية