મોહનથાળ ની બનાવવા માટે સૌપ્રથમ એક કડાઈ લો. હવે આ કડાઈ મા ૫૦૦ મી.લી જેટલુ પાણી નાખો અને તેમા પાણી થી બે ગણા જેટલી ખાંડ ઉમેરો. તે કડાઈ ને ગેસ ચાલુ કરી તેના પર રાખો અને ત્યા સુધી હલાવતા રહો કે ચાસણી ૧ તાર જેટલી ન બની જાય.

ત્યારબાદ કાજુ, બદામ તથા પિસ્તા ને બારીક સમારીને એક બાઉલમા સાઈડ મા રાખી દો. હવે માવો તથા એલચી ને ચાસણી મા બરાબર ઉમેરી દો. ચણા ના લોટ મા બે ચમ્મચી દુધ ઉમેરી ને લોટ મસળી ને બાંધી દો. હવે એક કડાઈ મા ઘી ઉમેરી ગેસ પર રાખી દો.

દુધવાળા લોટ ને આ ઘી મા ઉમેરી શેકી નાખો. જ્યા સુધી લોટ લાલ ન થઈ જાય ત્યા સુધી ઘી મા શેકો. ત્યારબાદ તેમા સમારેલા ડ્રાયફ્રુટસ ઉમેરી દો. આ મિશ્રણ બ્રાઉન થાય ત્યારબાદ તેમા ચાસણી ઉમેરી દો અને ૬ થી ૭ મિનિટ સુધી ગેસ પર ચડવા દો. ચડી જાય એટલે ગેસ બંધ કરી ઉતારી લો.