إفتح في تطبيق كوكبادالخطوات
- 1
نخلط السميد والحليب البودرة والسكر مع بعض بعدين منضيف السمنة ومنحرك منيح لحتى تغب كل المكونات بعدين منضيف المي ومنحرك منيح وبيصير عنا عجينة طرية كتير
- 2
منحط ورقة زبدة بصينية فرن مسطحة(يعني ما تكون غميقة كتير) ومنفرد العجينة فيها لحتى تغطي كل الصينية
- 3
منشغل الفرن على اعلى درجة حرارة عنا من فوق ومن تحت وبس يحمى الفرن منفوت الصينة عالفرن عالرف الوسط ومنطفي الفرن فورا
- 4
ملاحظة: العجينة لازم بس تنشف مالازم تاخد لون بالفرن ابدا
- 5
بس يطفي الفرن وتنشف العجينة يعني تصير يابسة شوي منطالع الصينية من الفرن ومنتركا برا لتبرد
- 6
لبين ما تبرد العجينة منحضر القطر: منضيف السكر والمي ومنحطن عالغاز ومنضل منحرك ليغلو منتركن يغلو شي دقيقتين بعدين منضيف عصير الليمون ومنتركو يغلي كمان دقيقة ومنطفي الغاز
- 7
هلأ بتكون العجينة بردت منقوم منقطعا ومنحطا بمحضرة الطعام مشان نطحنا
- 8
بعد ما نطحنا منجيب الصينية يلي بدنا نعمل فيها الكنافة ومندهنا شوية سمنة وبعدين منجيب منخل ومننخل فرك الكنافة يلي طلع معنا بقلب الصينية
- 9
مننخل ثلاثة ارباع الكمية ومنظبطا بايدنا مشان تكون كلا على نفس المستوى ومننخل الربع يلي ضل عنا ومنحطو على جنب مشان نحطو فوق الجبنة
- 10
هلأ منظبط الصينية مشان تكون جاهزة للفرن ومنعمل ثقب بالنص وانا بعمل تلاتة ثقوب مشان نعرف ايمتا بتصير(اختبار عملية النضج)
- 11
منحط الصينية بالفرن عالرف الثاني من تحت على درجة حرارة 180 وبعد مرور عشر دقايق منطالعا ومنشوف ازا مبين من الثقب لون زهري معناها صارت ومنسكر الثقوب واذا لسا لونها عادي منرجعا عالفرن لتصير
- 12
منحط جبنة الموزريلا ومنحاول ما نقرب كتير عالاطراف ومنرد منرجع الصينية عالفرن لتسيح الجبنة منرد منطالع الصينية ومنرش فوق الجبنة الكمية يلي نخلناها وحطيناها على جنب ومنطفي الفرن من تحت ومنخلي بس من فوق ومنقرب الصينية بالفرن لفوق
- 13
بس تاخد من فوق لون زهري منطفي الفرن ومنطالع الصينية ومنقلبا بطبق التقديم ومنحط عليها القطر البارد ومنزينا باللوز المبروش او الفستق الحلبي. وألف صحة وهنا
- 14
هي المقادير يلي عملتا بتطلع صينية صغيرة.انتو فيكن تضاعفو المقادير حسب الرغبة
الكوكسناب
وصفات مشابهة
وصفات ننصحك بمشاهدتها
التعليقات