أول شي فضيت كيس الحليب بطنجرة تيفال وضفت عليه ماء عيار الماء لازم يكون : كل كاسة حليب ناشف مقابل 3 كاسات من الماء وبعدين حركتن وحطيتن على غاز على حرارة وسط لحتى يغلي الحليب

بعد ما غلى الحليب تركتو يبرد شوي انتبهو صبايا ما لازم يكون سخن ولا يكون بارد لازم يكون فاتر وعشان تختبري حطي اصبعك داخل طنجرة الحليب اذا اصبعك تحمل الحرارة الحليب معناها عندك الحليب جاهز لضيفي اللبن ونضع اللبن متفرق يعني على دوائر الطنجرة بتوزعي لبن زي ما انتو شايفين بصورة

بعد ما حطيت اللبن دغري غطيتو وحطيتو بحرام او بطانية و خمرتو منيح وتركتو 8 ساعات مخمر

بعد 8 ساعات كشفت عليه وذي ما انتو شايفين صار اللبن عندي جاهز منحطو بال براد ليبرد وصحتين وهنا صبايا كيس الحليب عمل عندي تقريبا 4 كيلو من لبن وبتمنى كتير تجربوها وما بتندمو لانو اللبن البيتي ابرك واطيب من اللبن الجاهز وطريقة اللبنة بكرا رح نزلها بأذن الله.. ❤ واذا حدا بحب يسئلني عن شي انا رح جاوبكون اكيد... ❤