إفتح في تطبيق كوكبادالخطوات
- 1
العجين/ بنخلط المواد الناشفة مع بعضها الطحين. السكر.الملح. السميد. الحليب البودرة. الخميرة. الاوريغانو وبنضيف زيت الزيتون والماء الفاتر وبنعجن حتى تتشكل عنا عجينة بنقوم بفرك العجين مظبوط حتى تنعم. وبندهنها بزيت زيتون وبنخليها تختمر ساعة ونصف.
- 2
الصلصة/ بنقلي البصل والثوم شوي وبعدها بنضيف الفليفلة وبعدها البندورة وملعقة معجون الطماطم وكاس الماء مع رشة ملح ورشة سكر وبنخليهم يغلو شي ثلث ساعة حتى يستو مظبوط وبنضيف ملعقة من صلصة البيستو او الريحان الفريش بنحركهم وبنطفي عليهم وبس بردو بنخلطهم بالخلاط حتى يمتزجو مع بعض.
- 3
بنقوم بتقطيع العجين انا عملتها ٤ قطع كبار/حسب الصينية/ وغلفتهم ب كيس حتى ماينشفو وتركتهم نصف ساعة /كتير مهم انو ترتاح العجينة. وبنحمي الفرن عال٢٠٠ درجة.
- 4
بعدها بنفرد العجين بس بنستخدم سميد ناعم /هون سر القرشة/ وبنحطها بالصينية وبنتركها كمان 10 دقائق وبندهنها بالصلصة بعدها بحط جبنة الموزاريلا وبعدها البندورة والفليفلة والذرة والفطر وبنرجع بنحط رشة جبنة فوقهم ورشة اوريغانو وعلى الفرن.
- 5
بنخليها من تحت وبس احمرت بنرفعها لفوق حتى تتحمر وبنطلعها وبنقطع وعالاكل..😋😋😋
- 6
وصحة وهنا / نصائح لازم ترتاح العجينة مظبوط وبعد التقطيع كمان / استخدمو سميد ناعم لفرد العجين بيعطيها قرشة /البيستو /الريحان كتير مهم وبيعطي نكهة اساسية/
وصفات مشابهة
وصفات ننصحك بمشاهدتها
التعليقات (9)