إفتح في تطبيق كوكبادالخطوات
- 1
منحط بالطنجرة 6 ملاعق كبيرة زيت زيتون والبصل والثوم منضل منحرك لحتى يتحمرو بعدين منضيف البندورة المفرومة ناعم ومنستنى لحتى تستوي منحط الملح والفلفل والنعنع ودبس الفليفلة والرز (المغسول والمنقوع مسبقا) منحركهن منيح ومنستنى دقيقتين ومنطفي الغاز بعدين منضيف 4 ملعقة كبيرة دبس رمان و4 ملعقة كبيرة عصير ليمون ومنترك الحشوة لتبرد.
- 2
لبين ما تبرد الحشوة بحط ورق العنب بالمصفاية وبغسلو منيح(انا بستخدم ورق العنب المفرز) وبتركو شوي ليصفي وبتكون بردت الحشوة وبيصير جاهز للف.
- 3
منلف ورق العنب وما منكتر رز بالورقة مشان ما تنفتح بالطبخ بعدين منجيب طنجرة ومنحط فيها شوية زيت زيتون ومنحط فوقهن شرائح بطاطا مشان ما يلزقو بالطنجرة ومنصف ورق العنب بالترتيب فوق شرائح البطاطا.
- 4
بس نخلص لف منرش فوقهن ملح ومنحط فوقهن صحن بيتحمل الحرارة وشي تقيل ومنحطن عالنار ومنضيف المي لحتى تغمرن وبس تغلي المي منوس الغاز ومنتركن على نار هادية كتير ليستوو وكل ما بتقل المي منزيدهن مي مغلية
- 5
بس يستوو منقيم الصحن والتقل يلي فوقو ومنركز الملح ومنضيف 5 ملعقة كبيرة دبس رمان و5 ملعقة كبيرة عصير ليمون ومنغطي الطنجرة ومنتركهن شي ربع ساعة على نار هادية بعدين منطفي الغاز وبيكونو جاهزين. منصفي اليالنجي من المرقة ومنصفو بصحن ومنتركن ليبردو ومنحطن بالبراد مع التغطية.
- 6
الكوكسناب
وصفات مشابهة
وصفات ننصحك بمشاهدتها
التعليقات