إفتح في تطبيق كوكبادالخطوات
- 1
منخلط المكونات كلا مع بعض ومنعجن منيح لحتى يصير عنا عجينة طرية ومتماسكة وما بتلزق بالايد
- 2
منقطع العجينة ل دوائر صغيرة ومنجيب اول اربع دوائر منرشهن بالطحين والنشا ومناخد اول دائرة منرقها بشكل دائري بالشوبك وما منرقا كتير يعني لا سميكة ولا رقيقة ومندهنا بالزيت ومنرش فوقا نشا وطحين ومنرد منرق التانية ومنعمل نفس الشي ومنحطا فوق والتالتة والرابعة
- 3
هلأ بيكون صار عنا اربع طبقات فوق بعض منظبط الطراف فوق بعض ومنرشها بالطحين ومنرقها بشكل دائري منيح
- 4
منحمي مقلاية تيفال (لازم تكون تيفال) ومنحط العجينة يلي رقيناها بالمقلاية ومنقلبا لحتى تنشف
- 5
ملاحظة: مالازم العجينة تاخد لون ابدا بالمقلاية بس لازم تنشف
- 6
هلأ منقيما من المقلاية ومنحطا بصحن او جاط متل ما بدكن وبتقطعوها خط بالطول من نصها وخط بالعرض ف بيصير عندكن مثلثات. متل هالصورة
- 7
هلأ منبلش نفصل الطبقات عن بعضا شوي شوي ولازم نفصلن وهية سخنة مشان ما يلزقو ببعض لما يبردو
- 8
بعدين منصفن فوق بعض وبيكونو جاهزين للشغل وفيكن تحشوهن متل ما بدكن انا حشيتن جبنة مع حبة البركة وبقدونس
- 9
بتعملوهن بهالشكل وبتسكرو الاطراف بخليط مكون من شوية طحين وشوية مي بتدهنو الاطراف وبتلزقوهن
- 10
بعد ما تحشوهن وتجهزوهن بتقلوهن بزيت غزير وحامي وانشالله الف صحة وهنا
- 11
الكوكسناب
وصفات مشابهة
وصفات ننصحك بمشاهدتها
التعليقات (6)