اول اشي بنسلق اللحمة مع شوية اكليل الجبل و شرحة ليمونة وشرحة بصل بنسلقهم نص سلقة وبعدين بنضف الدجاج وبنسلقهم معهم.. الدجاج ما بحتاج وقت طويل ليستوي عكس اللحمة

بننقع الرز بماء فاترة وبنقشر الباذنجان نص تقشيرة وبنقطعهم وبنحطهم بصينية وبنرش عليهم ملح وبنخليهم شوي بعدين بنغسلهم منيح وبنصفيهم وبنقليهم

بنقطع البطاطا شرائح وبنقطع الزهرة وبنقطع البصل شرائح وبنقليهم

بنجيب طنجرة بحجم مناسب.. بنحط شوية زيت قلي وبنقلي الدجاج بنحمرهم شوي صغيرة وبنحط عليهم بهارات دجاج

بنضيف اللحمة وبنرتب البطاطا والباذنجان والزهرة والبصل وبعدين بنصفي الرز من الماء وبنضيفو فوقهم وبنضيف البهارات وبنضيف المرقة تبعت الدجاج واللحمة لحتى يتغطو كاملات

بنغليهم غلوة على الغاز عالعالي بعدين بنخفف الغاز وبنغطيهم لحتى يستوو