معروك بحشوة التمر والزبيب بالخطوات والصور
إفتح في تطبيق كوكبادالخطوات
- 1
أولاً نذوب ملعقة الخميرة في نصف كوب ماء دافئ ومنتركها ع جنب
- 2
نضع الطحين في وعاء عميق وفوقه كل المكونات الجافة ونخلطهم بعدها نضيف الزيت واللبن والزبدة ونفركهم جيداً ثم نضيف الخميرة المذوبة بالماء ونبدأ بالعجن وإضافة الماء تدريجياً حتى الحصول على عجينة طرية لاتلصق باليدين منغطيها ومنتركها ترتاح حوالي ساعة ونصف إلى ساعتين 👇🏻وهاد قوام العجين بعد مانخلص عجنها رح تكون بهالشكل
- 3
بينما تخمر العجين منجهز حشوة التمر بإضافة القرفة والهيل ورشة حبة البركة والزيت لعجينة التمر ودعكها جيداً حتى تلين وماتلصق باليد ثم نشكلها رولات رفيعة أو أصابع بهالشكل👇🏻
- 4
حشوة الزبيب منخلط الزبيب والجوز المقطع وجوز الهند والقطر مع بعض ليتماسكو ويكونو جاهزين للحشي
- 5
نبدأ بتشكيل المعروك بعد مااختمرت العجينة مناخد قطعة بحجم راحة الكف مندعكها ومنفردها بالشوبك ومنحط بطرف العجينة وحدة من أصابع التمر يلي عملناهم ومنلف العجينة عليها لتصير رول بعدا منضل عمنلف ونضغط عليها شوي لترق وتطول ومنسكرها منلزق اطرافها ببعض وبالسكين منقص اطراف المعروكة متل مو مبين بالصورة👇🏻
- 6
لحشوة الزبيب منعمل المعروك بهالشكل لأن مو لازم نفتح الأطراف متل تبعات التمر 👇🏻
- 7
بعد ماتخلص الكمية ونصفهم بالصينية منكون حاطين فيها ورق تبع الفرن منتركهم يرتاحو ربع ساعة بينما نحمي الفرن على حرارة 180 وقبل مانحطن بالفرن مندهن الوجه بالبيض ورشة سمسم اختياري
- 8
منخبزهم بالفرن بالرف الوسط منشغل من تحت وبس ينتفخو منشغل فوق ليتحمرو ويصير لونهم بني ذهبي
- 9
منحطهم بصينية ومنغطيهم بمنشفة حتى يحافظو على طراوتهم وألف عافية يارب
- 10
ان شالله تعجبكم وتشاركوني بتجربتكم للوصفة 🌺
وصفات مشابهة
وصفات ننصحك بمشاهدتها
التعليقات (11)