வெறும் வாணலியில் வெந்தயத்தை பொன்னிறத்தில் வறுத்து எடுத்து வைக்கவும். அதே வாணலியில் உளுத்தம் பருப்பை போட்டு வாசனை வரும் வரை வறுத்து எடுக்கவும்.

அரிசியை களைந்து, அத்துடன் உளுத்தம் பருப்பு வெந்தயம், பூண்டு தேங்காய் துருவல், கருப்பட்டி, தேவையான உப்பு சேர்த்து 7 கப் தண்ணீர் ஊற்றி ப்ரெஷர் குக்கரில் நான்கு விசில் வைத்து இறக்கவும்.

எள்ளு துவையல் செய்யும் முறை:

வெறும் வாணலியில் எள்ளை படபடவென்று வெடிக்குமாறு வறுத்து எடுக்கவும்.

பின் வாணலியில் 1 தேக்கரண்டி எண்ணெய் ஊற்றி மிளகாய் வற்றலை வறுத்து எடுக்கவும்.

மிக்சி ஜாரில் தேங்காய் துருவல், உப்பு, பெருங்காயம், மிளகாய் வற்றல் சேர்த்து அரைக்கவும். சிறிது நீர் தெளித்து அரைக்கவும். கடைசியில் வறுத்த எல்லை சேர்த்து அரைக்கவும். அரைத்த துவையலில் 2 தேக்கரண்டி நல்லெண்ணெய் ஊற்றி கலந்து வைக்கவும்.

சூடான உளுத்தம்பருப்பு சாதத்தில் இந்த துவையலை சேர்த்து சிறிது நல்லெண்ணெய் ஊற்றி பிசைந்து சாபிட்டால் மிக அருமையாக இருக்கும்.

இதற்கு தொட்டுக்கொள்ள வெண்டைக்காய் பச்சடி செய்வது வழக்கம்.