طاجن معكرونه بالكبده بطريقه المحلات
#التحدي_الالماسي
طاجن معكرونه بالكبده بطريقه المحلات طعمه حلو اوي مش هتدوقوا احلى منه بجد فظيع
الوصفه دي بجد كل اللي داقها عندي عجبته جداً وخد الوصفه قبل مايمشي... امشوا عالوصفه بالظبط انا كتباها بكل تكاتها وتفاصيلها وهتعجبكم اوي بجد
طاجن معكرونه بالكبده بطريقه المحلات
#التحدي_الالماسي
طاجن معكرونه بالكبده بطريقه المحلات طعمه حلو اوي مش هتدوقوا احلى منه بجد فظيع
الوصفه دي بجد كل اللي داقها عندي عجبته جداً وخد الوصفه قبل مايمشي... امشوا عالوصفه بالظبط انا كتباها بكل تكاتها وتفاصيلها وهتعجبكم اوي بجد
إفتح في تطبيق كوكبادالخطوات
- 1
اولا هنتبل الكبده ونسيبها فتتبيلتها مش اقل 4 ساعات المفروض لانها هي اللي هتدي طعم للطاجن كله والتتبيل بيخلي الطعم احلى بكتير
- 2
انا عن نفسي بشطف الكبده شطفه خفيفه كدا وانشفها بمنديل مكان ايد الجزار وهي بحالها كامله قبل متتقطع عشان متفقدش فوايدها اللي شايف ان الكبده مبتتغسلش او واثق في نضافة الجزار ميعملش الخطوه دي براحته، بعد مابشطفها بقطعها رفيع جداً
- 3
في ايد الهون او في الخلاط هنحضر التتبيله (ايد الهون او الخلاط بيكونوا افضل بكتير من الكابه عشان بيخلي الطعم يظهر ويتداخل اكتر) هنحط 3 فصوص ثوم كبيره مع قرن فلفل حامي بس شيلوا قلب الفلفله عشان ميبقاش حراق اوي (لو مش بتحبوا السبايسي او الحراق حطوا بداله واحدة فلفل رومي) ونضيف نص ملعقة صغيرة من كل من (ملح_ فلفل اسمر_كزبره) ومعلقه صغيرة كمون ورشه شطه اختياريه حسب الرغبه
- 4
هنضيف على التتبيله في الخلاط عصير ليمونه و4 ملاعق كبيره خل ولما نيجي نسوي الكبده هنسويها بتتبيلتها الحلوه دي بعد ماتشربها تماما
- 5
نحط الكبده في طاسه ساخنه فيها زيت، هنحطها ملعقة بمعلقه مش كلها مره واحده عشان متنزلش مايتها وضروري ضرروي منقلبش الا لما تأخذ لون وبعد 3 او 4 دقائق بالكتير لما كل الكبده تغير لونها وتدخل فالسوا هنضيف 5 فلفلات رومي كبار او ممكن اكتر وندي تقليبتين وندوق ونظبط الملح والفلفل الاسود والكمون ونقلب تقليبه واحده ونطفي فورا (ملحوظه متزودوش على الكبده فالسوا عشان متشدش هما 5 دقائق وترفعوها من على النار ولازم تكون فطاسه تكفي الكبده متبقاش صغيرة عليها والكبده متبقاش فوق بعضها تبقي كميه قليله وطبقه واحده)
- 6
ندهن الطواجن بالزيت وهننقل الكبده للطواجن او طاجن كبير حسب الرغبه ومكان الكبده في نفس الطاسه او الحله هنحط ملعقة زيت تسخن وفوقها عصير الطماطم ومعلقه صغيرة من كل من (ملح وفلفل اسود وكزبره) و2 ملعقة صغيرة كمون ونصف مكعب مرقه لحمة اول ماتغلي نطفي فورا منسيبهاش تتسبك لان سوايلها هتسوي المعكرونه في الطاجن
- 7
كنا نقلنا كميه الكبده في الطاجن او مقسمه على 3 طواجن صغيرة (كميه الكبده هتكتر بعد التسويه واضافه الفلفل متكتروش كميه الكبده فالاول هي كدا مناسبه) وهنحط فوق الكبده المعكرونه نايه وهتستوي مش هتعجن ان شاء الله لو اتنفذت صح ونضيف عصير الطماطم على الطاجن وفوقه ماء مغليه لو احتاجت بحيث انها تغطي المعكرونه بالظبط متزيدش (ظبط كميه الصلصة والمايه فوق المعكرونه هو سر نجاح الطاجن لو زياده هتعجن لو اقل مش هتستوى يادوبك بس تغطي المعكرونه بالظبط)
- 8
كمان سر نجاح الطاجن نوع المعكرونه لو مفيهاش نشا كتير هتظبط وتستوي ومش هتعجن عندك حوا او الملكه حلوين وبلاش سلق المعكرونه لان سلق المعكرونه هيخليها تشرب من ماء السلق بدل ماتشرب وتأخذ من طعم الصلصة والكبده اللي عملناها
- 9
توضع الطواجن مغطاه بورق فويل في فرن على درجه حراره 200 لمده 35 دقيقه تقريبا هتكون استوت ان شاء الله ونقلبها في طبق وبألف هنا
كلمات ذات صلة
وصفات مشابهة
وصفات ننصحك بمشاهدتها
التعليقات