نضع البيض مع كاس سكر نضربو بالخلاط ولا بيدي ونضيف ليه الزيت ومن بعد 1 كاس حليب والافاني ومن بعد بالتدريج الفرينه ندهن البلاطو ونديرو في الفرن يطيب (يستوي)180°

نضع 1كاس سكر في كسرونه على النار ونذوبو حتى يولي كراميل ومن بعد ما يذوب نزيد عليه مغرف الزبدة وواخيرا نجيب الكاس لي كيلت بيه السكر نحط فيه مغرف نشاء ونكمل ماء حتان (حتى) يتعمر نحرك النشاء مليح حتى يذوب في الماء ونزيدو للكراميل بشوي ونحرك حتى يذوب الكراميل لي راح يقسى كيما اي مثل تعرفي كي نضيف الماء ونبقى نحرك حتى يولي الكراميل سائل وخاثر نحو من فوق النار ونخليه يبرد

ضرك بعد ما نكونو خرجنا الكيكة نثقبوها بواسطه عود السنين ولا تاع الشواء نثقبوها كامل ونسقيها بكاس لحليب لي بقى بعد ما تبرد ونزيد عليها طبقة الشانتيه طبقا نكون طلعت الشانتيه كاس حليب مع كاس غبرة الشانتيه وبعد ما تكون بردت مليح نحطو كطبقة ثانيه ونخليه في ثلاجه يبرد مليح بعد ما يبرد نحط الكراميل كطبقة ثالثة والتزيين اختياري انا درت شوي شانتيه ودرت خطوط هكاك وعوجتهم بالموس

ملاحظة تنجمي تبدلي الكراميل بالشوكولاته انا نبغي طعم الكراميل اكثر عليها درتها هك