بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️

نقلب البيكنج بودر مع السميد ثم نبس السميد بالسمنة كويس جدا ونفركة بين ايدينا عشان تتغلف كل حبات السميد

نضيف لية السكر وجوز الهند ونقلب بالاسباتول بدون عجن ثم نضيف الزبادي ونقلب بشويش ونراعي اننا منعجنش ابدا ابدا والا هتنشف مني

ندهن صينية مقاس ٣٠ بالسمنة ونصب خليط البسبوسة ونفردها بأيدينا كويس ونخبطها كذا خبطة عالرخامة او الأرض عشان نطلع اي هوا منها او فراغات ثم نبدأ نرص المكسرات المتاحة عندنا باي شكل نحبة

ندهن الوش بالفرشاة بسمنة على خفيف ودة هيساعد المكسرات تتحمص اكتر وتاخد لون وتقرمش

ندخلها فرن حامي على الرف الوسط على حرارة ٢٢٠ هتاخد حوالي من ٢٥ ل ٣٠ دقيقة ولما الحروف تاخد لون نشغل الشواية لو الوش مأخدتش لون 😉

نجهز الشربات على ما تستوي البسبوسة كالتالي ٢ كوب ماية و ٢ كوب سكر نضعها على النار ومجرد ما يغلو نضيف نقتطين عصرة ليمون و نحسب من ٥ ل ٧ دقايق فقط ونطفي النار ونضيف م ك سمنة و كيس فانليا

نطلعها من الفرن ونسقيها بالشربات الساخن ونغطي بس ٥ دقايق على ما البسبوسة تتشرب كل الشربات و نرفع الغطا من عليها عشان المكسرات متطراش

تبرد وتقدم بالف هنا ♥️

ملحوظة 🤓 شربات البسبوسة خفيف.. السميد لازم يكون خشن عشان تبقى مرملة مش معجنة.. العسل الأبيض او الجلوكوز او الشربات التقيل مهم لانة بيساعد على تماسكها رغم ترميلتها 😉 السمنة لازم تكون بحرارة المطبخ مرملة مش سخنة ومش سايحة ودي خطوة مهمة جدا جدا لأنها بتفرق في قوام البسبوسة جدا

أخيرا اللهم أغفر لجدتي وارحمها واسكنها فسيح جناتك يارب العالمين 🤲 ❤️