نضيف المكونات الجافة معا ونقلب بيدنا ثم نضيف السمنة ونقلب من تحت لفوق لتمتزج المكونات ببعض ثم يضاف الماء زهر والحليب المكثف ومنقلبها بهدوء لتتشرب كل كمية الحليب ثم تترك لترتاح ساعتين بالبراد.

_منجهز الحشوات وتكور كرات صغيرة لتسهل العمل اول شي منشوف حجم القالب اذا كبير او صغير ومنعمل تجربة قديش لازم يكون حجم العجينة وحجم الحشوة نحاول نخليه العجينة رقيقة مانسمكها اطيب اكيد.

منشكل العجينة بالقوالب المخصصة للمعمول ولو شوب كتير مهم ندخل الصواني ربع ساعة على البراد ليبردو وما يتشققو وتروح الرسمة اثناء الخبز.

_تدخل صينية المعمول على فرن حامي جيداً واذا بشتغل من فوق وتحت بكون افضل.

_منراقب لون المعمول ليشقر منطلعو ومنتركو يبرد شوي بدون لمس ابدا.

ملاحظات هامة لنجاح المعمول:*

💫ممنوع العجن بالمعمول فقط بث ولم للعجينة لما نأخذ عجينة قاسية وناشفة.

💫ممكن استخدام نصف كمية سمنة ونصف زبدة بشرط نوعية ذات طعم قوي وشهي.

💫في حال الفرن ما بولع من فوق وتحت سوا فافضل نشغل من فوق بالبداية لنضمن ان المعمول مارح تتغير رسمتو.

💫الخميرة او الكربونات مكون غير ضروري ولو انضافت ننتبه ابدا ما نكتر عشان ماينفخ المعمول ويتشقق.

💫عند صنع معمول الجوز والفستق يرش على المعمول سكر نباتي هو والمعمول دافي لا بارد ولا سخن كتير.

لما نشتغل بكمية كبيرة من المعمول دائما نأخذ قسم صغير ونرجع القسم التاني للبراد ليحافظ على برودتو وما تبلش السمنة ادوب.

💫لما نلاحظ المعمول كتير ناشف اثناء الشغل منجيب بخاخ فيها ماء باردة ومنرش شوي شوي على العجينة تتشرب الماء بدون المبالغة بالرش ومنشتغل فيها.