لتحضير العجين نعجن عجينة الصاج مع بعض بشوية ماء زي اي عجينة ونخليها ترتاح ساعه كامله..

في تاوة نقلي البصل مع شوية زيت والفلفل البارد المقطع صغير مع ملعقة صلصل طماط.. ألين أن يذبلو ونضيف معاهم الطماط ونشوح ونضيف ملعقة بهارات ونص ملعقة كركم.. وشوية فلفل أحمر وكمون ونضيف الخضرا المثلجه الصغيره جزر بازيلا ونشوح كلهم بعض..

نضيف الدجاج اخر شي ونخلطهم مع بعض.. ونترك الحشوة ونسكر عليها..

نرجع للعجينة الصاج ونقطعها قطع صغيره ونفردها بالشوبك ونقطعها دوائر ونحشيها بحشوة من الدجاج ونسكر عليها من الاطراف ونقليها بتاوة الصاج..

ونستمر على ذلك الى انتهاء الكمية وبعد مانخلص نحظر مكينة الشوايه الصمون العادية ونكبس عليها ونخليها لين تحمر