منضيف الملح و البيكينج باودر للطحين

منضيف الزبدة و بأطراف اصابعنا منفركهم

منحط بياض البيض و الجبنة السائلة و منعجن

منكون حاطين السكر على الحليب و الخميرة و بس يتفاعلو منضيفهم على العجينة و منعجنهم منيح

مندهن العجينة نقطة زيت و منتركها ترتاح ساعة

مناخذ قسم من العجينة و منفردها على شكل مستطيل و منشيل الاطراف الزايدة عشان نرتب شكلها

بتكون بسماكة قليلة

منخلط صفار البيض مع الحليب البودرة و ملعقة الماء و الڤانيلا و نص ملعقة السكر و مندهنهم على وجه العجينة بفرشاية

نضع ما ترغبين فوقها زعتر او سماق او جبنة بارميزان او سمسم محمص حسب رغبتك في التنويع و نقوم بالضغط قليلا حتى يثبتو في العجينة

نقوم بتقطيع العجينة على شكل شرائط متساوية تقريبا بعرض سم تقريبا او اكتر شوي

مناخد كل شريط من العجينة و منلفه ليصير شكله زي الزنبرك تقريبا مو كتير يعني 😅

منحطهم بصينية مغلفة بورق الزبدة و منخليهم يرتاحو كمان نص ساعة

منكون محمين الفرن على درجة ١٨٠مئوية و منخبزهم تقريبا ربع ساعة او اقل ما بياخدو وقت كتير و منحمرهم من الاعلى

بس نخلص خبز كل الكمية منطفي الفرن و منرجع المخبوزات على الفرن و منخليهم نص ساعة عشان يصيرو هشين