طريقة عمل كيكة الجيلي
الخطوات
- 1
لعمل الكيك: 5 بيضات مع برش ليمون او برتقال وملعقه صغيرة فانيليا وملعقه-كبيرة خل ابيض لا تخافو مابتظهر طعمتو ابدا ويمنع زنخة البيض وبيرفع الكيك، منشغل الخلاط ومنخفق البيض شوي بعدو منضيف كاسة وتلات-ارباع سكر ومنرجع منشغل الخلاط ومنخلط منيح بعدو منسكب مزيج البيض بصحن عميق.
- 2
منجهز الطحين، 2 ونصف كاسة طحين مع 3 ملاعق صغيرة باكينغ باودر ورشة ملح صغيرة مننخلن ومنسخن كاسة حليب سائل ومنضيف الطحين والحليب بالتناوب لتخلص الكميه واخر شي منضيف فنجان شاي زيت.
- 3
مندهن قالب الكيك بسمنة مع رشة طحين ومنسكب مزيج الكيك ومندخلو عفرن حامي عالرف الوسط والنار من تحت فقط وما منفتح الفرن لبعد مرور 45 دقيقه.
- 4
منشوف اذا استوت منشعل النار من فوق لنحمر الوجه وبعد الخبز منتركا شي 10 دقايق ومنقلبا ومناخد القالب نفسو منغسلو.
- 5
هلا منجهز 4 ظروف جيلي لون احمر منضيف 4 كاسات مي سخنة ومندوب الظروف وبعدو منضيف 2 كاسة مي باردة فقط ومنحرك ومنسكب بقالب الكيك جيلي ربع القالب ما اكتر مشان نعمل حساب رح نرجع نحط الكيكة فوق الجلي وبدنا نرجع نسقيها من فوق لازم يكون القالب يسع.
- 6
وقت سكبنا ربع القالب جيلي ممكن نضيف اي نوع فاكهة مفضلة ونترك القالب بالبراد لحتى يجمد الجيلي.
- 7
منرجع الكيكة ومنسقي فوقا جيلي بارد ومنرجعا عالبراد وقت منيح ليجمد الجيلي انا تركتا ليله كامله.
- 8
وقت التقديم منحط القالب ع حمام مائي ساخن ثواني منلاقي الجيلي بلش يدوب منقلب القالب ومننتبه لان رح ينقط بما انو بلش الجيلي يدوب وبعد القلب منرجع الكيكة عالبراد ليجمد الجيلي اللي داب شوي.
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات