طريقة عمل سينابون ولا اطيب
الخطوات
- 1
2 بيضه مع ملعقه صغيرة فانيليا وملعقه-كبيرة خل ابيض لاتخافو مابتظهر طعمتو ابدا ويمنع زنخة البيض وبيرفع العجين منخفقون مع 2 ملعقه-كبيرة زبدة طريه اولينة وكاسة حليب سائل دافي ونص كاسة سكر.
- 2
منضيف عليون 5 كاسات طحين مع ملعقه-كبيرة خميرة فوريه وملعقة-كبيرة باكينغ باودر ونص ملعقة-صغيرة ملح منخلطون مع بعض ومنعجن العجينة ومنضيف ربع كاسة زيت ومنعجن ومنشكل عجينة طريه وغير لاصقه ومنغطيا ومنتركا ليتضاعف حجما انا تركتا ساعه ونصف.
- 3
بعدو مديتا بالشوبك ودهنت بزبدة طريه ورشيت فوقا سكر وقرفه ولفيت رول وقطعتو.
- 4
دهنت صينيه الفرن بشويه زيت وصفيت لفائف القرفه وغطيتا برقاقه نايلون للسفرة وتركتا نص ساعه.
- 5
بعدو دخلتا ع فرن حامي عالرف الوسط والنار من تحت ومن فوق ومابتاخد وقت شي ربع ساعه او 20 دقيقة وبعد الخبز منضيف حليب مكثف محلى وصلصه شكولا.
- 6
الحليب المكثف: ملعقه-كبيرة زبده مع نص كاسة مي دافيه منحطن بالخلاط مع كاسة حليب بودرة وكاسة سكر وملعقه صغيرة فانيليا منخلطون بالخلاط منيح وبعدو عالبراد ليجمد.
- 7
وصلصه الشكولا: بالخلاط فنجان شاي حليب وفنجان شاي سكر وتلات ملاعق كبار كاكاو منخلطون بالخلاط وهيك بتكون الصلصه جاهزة.
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات