هدا نوع السمك الى معرفاتوش موجود عنا بزاف فالمغرب وبتمن رخيص بزاف وكاين نوع غليض يكون احسن انا مكيعجبنيش وبهاد طريقة ستعملتو في حشوات مهم كما فصورة خسلتو مزيان وحيدت ليه الراس وامعاء

من بعد ستفتو في كسكاس باش نبخرو رشيت عليه 2 ملاعق كبار ملح ودرت فوفة دوائر حامض وتو ورق الرند وخليتو تفور تقريبا 20 دقيقة والى كان نوع غليض خلوه اكتر حتى يطيب, اي يستوي وملي برد كبداو نقيوه كلو من شوك والقشرة وستفوه في علبة ونشدو زيت البلدية ولا مخلطة مع زيت المائدة الى بغيتو ونسخنوها فوق نار ونكوها على داك سمك حتى يتغطا شوية بزيت ونحطو معاه ديك ثوم وحامض ونحتافضو بيه فتلاجة واسعملوه فلي بغيتو كيبقا زوين