منجيب الدجاجة بعد غسلا وتنضيفا منعمل فيا نخزات بالسكين بكذا مكان وبجاط عميق منضيف الماء والخل ومنحط فيا الدجاج ومننقعا فيا نصف ساعة(هالحركة بتساعد على استواء الدجاج بسرعة وبيعطي طراوة فظيعة👌)

بزبدية عميقة منضيف جميع مكونات تتبيلة الدجاج ومنخلطن مع بعض منيح ومنضيف عليهن الدجاجة بعد نقعها بالخل ومندعكا فين منيح كتير ومنتركا منقوعة بالتبلة لاكتر وقت ممكن ويفضل ليلة كاملة لتاخد طعمة التوابل منيح

بطنجرة على النار منضيف الزيت وبشر البصل والجزر والبازيلا ومنقلب منيح ليدبلو منضيف التوابل والرز ومنقلب ومنضيف الماء ومنخلي يغلي لينشف وجه الرز بهذا الوقت منشيل كمية من الرز تكفي لحشو الدجاج ومنخلي الباقي يكفي استوائو بالطنجرة

بعد ان ننقع الدجاجة منحطا بصينية فرن مع تتبيلتها ومنحشيا بالرز اللي اخدناه من الطنجرة ومنسكر الدجاج منيح منرش عليها شوي زيت نباتي ومنحط بارض الصينية كوب ماء ومنغطيا بسلوفان وعلى فرن حرارة 250 شاعل فوق وتحت تقريبا ساعة ونص بعد ما نتاكد انتو استوا الدجاج منشيل السلفان ومنحط زبدة على الدجاجة ومنحمرها لتاخد لون حلو بصحن التقديم منوزع الرز اللي طبخناه بالطنجرة ومنحط فوقو الدجاجة وبتتقدم وعوافي وهنا❤🌸