اولا نأخذ قصعة ونحط فيها الكسكسي نضيف قليل من زيت وماء نفتلو باليد و نحط يفور المرة الاولى كي يفور نسقيه بماء ونخليه مدة يتشرب ونعاود نفورو للمرة الثانية فقط ندهن الكسكس بقليل من الزبدة والملح ونخليه على جهة

المرق في طنجرة نحط الزيت البصل التوابل اللحم وعود قرفة ونقلي الكل على نار هادئة حتى لا نحرق التوابل ثم نضيف الحمص ونمرق بالماء سخون ولما يستوي اللحم نصف استواء نضيف الخضار تكمل طياب معاه

كي طيب المرق نحط الكسكسي في طبق التقديم ثم نزين باللحم والخضار ونقدمو بجانب المرق لتسقية حسب الرغبة. افضل تقديم الفلفل الحار مقلي معاه.