جبت البليله واتنقت كويس ونقعتها في ماء لمده ساعتين بعد كده صفتها وحطيتها في حله على النار وعليها ماء وسيبتها تستوي على نار متوسطه وبعد اما استوت هطفي عليها واسيبها في الماء اللي استوت فيها شويه عشان تفشر (يعني حبه البليله تفتح ويزيد حجمها)

بعد كده حطيت عليها اللبن وقلبتهم كويس

بعد كده ضفت السكر (حسب الرغبه) وقلبت

وجبت كيس كريم شانتيه وحطيته على كوب ماء وقلبته بالمعلقه وضيفته على البليله واللبن وادتهم تقليبه بسيطه وسبتهم لحد ما يغلو

وقبل ما اطفي النار حطيت الفانيليا وجوز الهند وقلبتهم وقفلت النار

ملوحظه: ممكن تضيفي مع جوز الهند مكسرات وزبيب حسب رغبتك....... لكن اللي كان متوفر عندي هو جوز الهند فقط

والبليله بتتاكل ساخنه او بارده عادي

جربوها هتعجبكم جدااا

♥♥