رفيس الكسرة
جبتلكم الوصفة التقليدية الاصلية لرفيس الكسرة من يدين أمي الغالية ربي يحفظهالي، هذا الفيس نحضروه في ولاية سطيف نهار يجو أهل العريس يدو جهاز لعروس ونقدموه مع اللبن#معجنات_زمان
رفيس الكسرة
جبتلكم الوصفة التقليدية الاصلية لرفيس الكسرة من يدين أمي الغالية ربي يحفظهالي، هذا الفيس نحضروه في ولاية سطيف نهار يجو أهل العريس يدو جهاز لعروس ونقدموه مع اللبن#معجنات_زمان
إفتح في تطبيق كوكبادالخطوات
- 1
في قصعة نحط السميد ونضيفلو الزيت ونبسو مليح من بعد نضيفلو الملح والحليب ونخلط بالاصابع فقط ونضيف الماء ونلم العجينة بلا ما نعجن نتحصل على عجينة طرية نقسمها 3وحدات
- 2
نقرصها ونحطها تطيب اي تستوي في طاجين الكسرة نخليها خشينة ما نرققهاش،
- 3
بعد ما تطيب اي تستوي مباشرة نحطها فوق السيار تع الشخشوخة ونحكها فوق السيار حتى تهبط كامل،
- 4
بعد ما تكمل كامل الكسرة نحطها تفور مباشرة للمرة الأولى،
- 5
بعد ما يفور الفيس للمرة الأولى نفرغو في قصعة ونفتحو على بعضاه ونرشو بالحليب ونحرك نرش فقط باه ما يتعجنش ونعاود نفورو للمرة الثانية ثم للمرة الثالثة بعد ما يفور للمرة الثالثة نفرغو فالقصعة ونضيفلو السكر والزبدة ونحركو حتى يذوبو ثم نضيف المكسرات ونحرك ،
- 6
ويقدم مع اللبن كما في الصورة.
الكوكسناب
وصفات مشابهة
وصفات ننصحك بمشاهدتها
التعليقات