نسلق الباذنجان نص سلقة وبعدين منصفيهم حتى يبردو

بس يبرد ناخد كل وحدة ونفتح فتحة وسط بنصها ونضع ملح تقريبا ربع معلقة صغيرة ونعمل الكل بنفس الطريقة

ووضعهم بمصفاة بشكل مرتب ونضع فوقهم شي تقيل حتى يصفوا من المي تماما ومنخليهم من اول الليل حتى الصبح هيك

هلق في شغلة انا لما بكون بدي سوي مكدوس بحشيهم بالحشوة الثوم والفليفة والجوز والزيت بس اذا انا عندي مكدوس بالبيت بعد مابيصفوا من المي تماما بحطهم بكيس مونة وبالفريزة لحتى اعملهم ولمابدي اجهزهم اطلعهم من الفريزة وخليهم حتى يفكر الثلج عنهم تماما وبعدين احط بنص كل وحدة ملح واصفيهم بالمصفاة ونضع شي تقيل فوقهم ليلة كاملة حتى لايبقى فيهم مي وبعدين احشيهم بالحشوة

نضع الثوم المدقوق والفليفة والجوز وقليل من الزيت لسهولة الحشي (طبعا انا ماحطيت ملح لان حاطينو ليلة كامل فيه اكيد مايحتاج)

وناخد كل وحدة وبنصها نضع الحشوة وهيك حتى تخلص كل الكمية

منجيب المطربان الي منحطهم فيه ومنرتبهم واخر شي نغمرهم بالزيت وفينكم تخلطوا الزيت زيتون وتخففوه بزيت نباتي

هل المرة مانزلت صور تفصيلية لاني كنت عاملتوا قبل ماانزل البرنامج 20يوم.