غْرَيْبَة
طريقة سهلة وسريعة و زابطة 100%
إفتح في تطبيق كوكبادالخطوات
- 1
منضيف السكر الناعم والسمن ونخلطهم ليصيروا مزيج (ما بتحتاج دَعِك)
- 2
و بعدين منصير نضيف الطحين شوي شوي ومنخلطهم ليصيروا مزيج.
- 3
منحط الخليط بالبراد لمدة نصف ساعة او ساعة لحتى تبرد العجينة وتصير سهلة الاستخدام.(فيكن تستخدموا قسم من العجينة والقسم التاني تتركوه بالبراد وتستعملوه بعدين المهم تضل بالبراد مغطاية ومايجي عليها مي).
- 4
منشيل الخليط من البراد ومنعملن بالشكل اللي بدنا اياه ومنضيف عليهن المكسرات بهي الاثناء منشغل الفرن من فوق و من تحت على حرارة 150 لحتى يحمى.
- 5
انا بستخدم ورق الكربون على صينية الفرن منشان ما يلزق العجين واسهل للاستخدام.
- 6
منحط الصينية بأول طبقة من الأسفل لمدة 6 دقائق او 7 بالكتير وما منفتح الفرن ابدا اذا بتجربوا تمسكوها وهيي لسه سخنة بتحسوها عجين بس هاد شي عادي لان بدا شوي بعد الفرن لتتماسك وهاد من نتائج نجاح الأكلة.
- 7
و بهي الطريقة بتطلع زابطة الأكلة 100% وما بتكون قاسية متل الكعك بتدوب وبتفت عند الأكل.
- 8
و صحتين وهنا 🌸
كلمات ذات صلة
وصفات مشابهة
وصفات ننصحك بمشاهدتها
التعليقات