प्रथम तांदूळ धुऊन १/२ तास पाण्यात भिजत ठेवा. तोपर्यंत सर्व भाज्या चिरुन घ्या.

एक पातेलं तापवत ठेवा व त्यात तेल टाका. तेल तापले की त्यात सर्व खडा मसाला घालून परतवून घ्या. लगेच सर्व भाज्या घालून एकजीव करा.

तोपर्यंत एका बाजूला पाणी तापवत ठेवा. चांगली उकळी येऊ द्या.

आता भिजवलेले तांदूळ निथळून घ्या व पातेलीत टाका. हलके परतवून घ्या व भाज्या सोबत एकजीव करा.

चवीपुरती मीठ टाका व उकळलेले पाणी ओता. ढवळून घ्या व थोडे पाणी आटू द्या.

पाणी साधारण अर्धे झाले की आच कमी करा व झाकण लावून पुलाव शिजू द्या.

तांदूळ छान फुलले व पाणी आटले की आच बंद करा.

एका फोडणीच्या कढईत तूप तापवत ठेवा. त्यात काजू थोडे परतवून घ्या व पुलाव वर टाका. चांगले एकजीव करून घ्या.

हा गरमागरम वेेज पुलाव सांबार, डाळ फ्राय किव्वा आवडीच्या रस्सा भाजी सोबत खायला द्या. बाजूला थंडगार दह्याची कोशिंबीर नक्की वाढा!